Banorët e Belshit dhe zonave përreth po përballen me ndërprerje të energjisë elektrike prej tetë orësh në ditë, nga ora 06:00 deri në 14:00, në një periudhë kur temperaturat kanë arritur deri në 43 gradë Celsius.
Operatori i Sistemit të Transmetimit njofton se ndërprerjet janë të planifikuara për shkak të punimeve teknike në ndërtimin e linjës së re 400kV Fier, Elbasan, Qafë Thanë.
Në total, 2,351 abonentë në zonat Grekan, Guras, Rrenas, Cartallos, Uji i Pijshëm Elbasan, Kajan, Gjolene, Turbull, Gjinuk, Lisaj, Dragot dhe Deshiran janë pa energji gjatë orarit të ndërprerjes.
Ndërprerja e energjisë në ditët me temperatura ekstreme ka sjellë vështirësi për banorët dhe bizneset në këto zona, duke ndikuar në ajrimin e ambienteve, furnizimin me ujë dhe ruajtjen e ushqimeve dhe barnave.
