Jennifer Lopez po shkakton reagime të përziera pas një performance që ka ndezur rrjetet sociale dhe ka tronditur një pjesë të publikut të pranishëm në “Cook Music Fest” në Tenerife. Këngëtarja 55-vjeçare, e njohur për energjinë dhe skenografinë spektakolare, solli një show që disa e quajtën artistik dhe të guximshëm, ndërsa të tjerë e konsideruan të tepruar.
E veshur me një trupore ngjitur pas trupit, Lopez u shfaq në skenë e shoqëruar nga një trupë balerinësh muskulozë, duke sjellë një koreografi që simulonte skena intime në mes të koncertit. “Në një nga momentet më të komentuar, këngëtarja u ngrit në supe nga një balerin, duke pozicionuar legenin e saj shumë pranë fytyrës së tij,” – një detaj që mori vëmendjen e menjëhershme të publikut dhe solli diskutime të shumta online.
Më tej, në një skenë tjetër që u bë virale, JLo u pa duke hipur mbi një balerin, ndërsa mbante duart midis këmbëve të dy balerinëve të tjerë të veshur me pantallona të zeza dhe korse të bardha. “Një pamje që përforcoi imazhin e saj si një performuese e guximshme dhe pa komplekse,” – komentuan fansat në rrjet.
Spektakli nuk u ndal me Tenerife. Në Bilbao, këngëtarja vazhdoi turneun me një tjetër mbrëmje të mbushur me energji, ku ndryshoi disa herë veshjet – nga pantallonat me bel të ulët dhe bluzat e shkurtëra, tek një kostum trupi prej lëkure me detaje metalike, e deri tek një bikini ngjyrë ari dhe të zezë që shërbeu si pamja finale.
Jennifer Lopez, e cila njihet për vendosmërinë dhe identitetin e saj të fortë artistik, po tregon se nuk ka ndërmend të zbresë nga skena – as për stilin, as për guximin. Ajo po vazhdon të sfidojë kufijtë e performancës live, duke lënë gjurmë me çdo dalje.
