Kryeministri i Izraelit, Benjamin Netanyahu, ka pësuar një helmim ushqimor dhe aktualisht po rikuperohet në shtëpinë e tij, ku do të qëndrojë për tre ditë, sipas udhëzimeve të mjekëve.
Në moshën 75-vjeçare, Netanyahu u ndje keq gjatë natës dhe pas një serie kontrollesh mjekësore, u diagnostikua me inflamacion të zorrëve dhe dehidratim.
Ai po merr trajtim me serume dhe do të vazhdojë të ushtrojë detyrat e tij si kryeministër nga shtëpia.
Netanyahu ka pasur probleme shëndetësore të mëparshme, përfshirë vendosjen e një pacemakeri vitin e kaluar dhe një ndërhyrje kirurgjikale në dhjetor për të hequr prostatën, pas një infeksioni urinar.
