Futbollisti shqiptar i Kosovës, Art Smakaj, është bërë me skuadër të re gjatë kësaj merkato vere.
Mesfushori ka firmosur me LASK Linzin e Austrisë nga Lokomotiva e Zagrebit duke firmosur deri në vitin 2028.
22-vjeçari sezonin e kaluar në elitën e futbollit kroat luajti 32 ndeshje, shënoi dy gola dhe bëri pesë asiste. Për shërbimet e Smakajt klubi austriak pagoi plot 700 mijë euro në arkat e Lokomotivës së Zagrebit.
Te skuadra nga Bundesliga e Austrisë, Smakaj do ta veshë fanellën me numrin pesë. Ai në ekip ka edhe lojtarin tjetër nga Kosova, Valon Berishën.
