Flamur Sula, babai i Ilaria Sulës e cila u vra në mënyrë makabër nga i dashuri i saj Mark Antony Samson, vazhdon të kërkojë drejtësi nga autoritetet italiane.
“Ata njerëz e lënduan shumë familjen time”. Këto ishin fjalët e Flamur Sulës pasi Prokuroria e Romës kërkoi një gjykim të menjëhershëm për ish të dashurin e vajzës së tij.
“Ilaria kishte një jetë të tërë përpara”, vazhdoi ai, “dhe nuk është e drejtë që princesha ime të kishte këtë fund të tmerrshëm. Kam besim në sistemin italian të drejtësisë”.
Kujtojmë se filipinezi Samson masakroi me thikë 22-vjeçaren shqiptare dhe më pas trupin e saj e paketoi dhe e hodhi në një zonë të pyllëzuar.
I riu kishte përdorur edhe telefonin e 22-vjeçares për të bërë statuse në rrjetet sociale dhe më pas e kishte hedhur atë në një pusetë.
Ishte pikërisht ky detaj, i cili ndihmoi policinë të gjente dhe arrestonte 23-vjecarin qe iu dha informacione autoriteteve se ku e kishte hedhur trupin e studentes shqiptare.
