Kanë dalë detaje të reja nga katastrofa e Air India, avionit të linjës ajrore me destinacion Anglinë që u rrëzua pesë minuta pas ngritjes nga qyteti indian i Ahmedabadit më 12 qershor, me 242 persona në bord, vazhdon.
Wall Street Journal ka bërë publike disa nga detajet që kanë dalë nga hetimet.
Gjetjet paraprake tregojnë se çelësat që kontrollonin rrjedhën e karburantit në dy motorët e avionit ishin fikur, qoftë qëllimisht apo aksidentalisht, është e paqartë. Pilotët përdorën çelësat për të ndezur, fikur ose rivendosur motorët e avionit në situata të caktuara emergjente.
Qartësi të mëtejshme do të vijnë nga gjetjet e hetimit dhe shqyrtimi i kutisë së zezë, por hetimi po përqendrohet në veprimet e pilotëve.
Nëse çelësat kanë qenë të fikur, kjo mund të shpjegojë pse gjeneratori i emergjencës i avionit, i njohur si turbinë ajri ram (RAT), duket se është aktivizuar pak çaste para se avioni të përplasej në një konvikt studentësh mjekësie aty pranë.
Në total, 270 persona vdiqën, përfshirë të gjithë personat në bordin e aeroplanit, përveç njërit, i cili arriti të largohej nga rrënojat e Boeingut pa lëndime.
