Fitim Bozhegu është heroi që shpëtoi nga mbytja një grua dhe një vajzë në detin e Vlorës. Nëna fatkeqësisht humbi jetë pak minuta më vonë në spital. Ai tregoi për mediat se ndërhyri menjëherë sapo një grua i kërkoi ndihmë, duke i thënë se dy persona po rrezikonin jetën në ujë.
“Erdhi një grua dhe më tha: ‘Ndihmë, po mbyten dy fëmijë!’ Pa humbur kohë, u futa në det dhe i nxorra sa më afër bregut që munda. Njëra ishte grua në moshë, tjetra një fëmijë. Ishin thellë në det dhe mezi i kapa. Ishin në gjendje të rëndë kur i nxorëm. Ambulanca erdhi pas rreth 30 minutash, ndërkohë ne u dhamë ndihmën e parë – frymëmarrje artificiale dhe masazh kardiak. Isha vetëm dhe e pata shumë të vështirë, por ia dola,” tregoi Bozhegu.
