Aktori dhe moderatori Ermal Mamaqi ka folur për largimin e tij nga ekrani.
I ftuar në emisionin “Flet”, teksa diskutonte për karrierën e tij, u vendos përballë pyetjes: përse u largove nga ekrani? Kësaj pyetjeje, Mamaqi iu përgjigj hapur, duke treguar se kishte nisur që të kuptonte se performanca e tij ishte në rënie. Ndaj edhe vendosi largimin.
Duket se ka ende një “shans” për rikthimin e tij, por me projektin e duhur.
“Unë jam shumë elastik në transformimin e personazhit tim. Mendoj që koha ime për atë lloj show..e pashë që isha në rënie. E di kur është momenti më i mirë për të mbyllur një bisedë? Kur është në kulmin e saj. E ndjeva që po shkoja poshtë dhe aty mbaroi. Televizioni është një mashtrim i madh. Nuk më mungon, kur e realizon veten në forma të tjera nuk i ndjen këto lloj mungesash. Rikthimi? Më kanë bërë disa oferta, i kam thënë faleminderit, por jo. Nëse do më vinte ndonjë projekt sfidues, po do ta pranoja me kënaqësi,”-thotë në fjalën e tij Mamaqi.
