Himni i Champions League dëgjohet për herë të parë në qytetin e vogël të Rrogozhinës. Sfida nisi mirë për Egnatian, por Bakayoko nuk mundi të shfrytëzonte rastet. Paçka dominimit, deçizive ishte minuta e 77-të kur në fushë u fut Ildi Gruda, shkodrani që vetëm pak ditë më parë u bashkua me ekipin pas një ‘divorci’ me zhurmë nga Vllaznia.
Duhej shtesa e dytë kur një pasim vertical u shfrytëzua nga Gruda falë shpejtësisë, për ta lënë topin pas krahëve të Einarsson dhe për të çuar në festë një qytet të tërë. Festë dhe kartona në fund, me Yahaya, Ruçi dhe Kuka që u ndëshkuan me karton të verdhë dhe Lushkja me të kuq, si duket për festimin e tepruar.
Egnatia merr një sukses të rëndësishëm dhe ka hedhur një hap të rëndësishëm në garën për kalimin në turin e dytë.
