Kreu i Partisë Demokratike Sali Berisha tha sot para Prokurorisë së Posaçme se kryebashkiaku i arrestuar i Tiranës Erion Veliaj është autori, pas Ramës, kryesor i inceneratorit të Tiranës.
Berisha tha se Veliaj vetëm për inceneratorin e Tiranës meriton të paktën 40 vite burg. Gjithashtu kryedemokrati thekson se ky dënim duhet të vuhet dhe nga kryeministri Rama.
“Nuk merremi. Erion Veliaj është autori, pas Edi Ramës, kryesor i djegësit të Tiranës. Ai vetëm për djegësin e Tiranës meriton të paktën 40 vite burg. Minimumi, bashkë me Edi Ramën”, tha Berisha.
