“Prindër që abuzojnë me fëmijët”, kjo ishte tema e diskutimit këtë të enjte në Quo avdis të moderatores Pranvera Borakaj në Vizion Plus.
Të ftuarit në studio kanë analizuar fenomenin e inçestit dhe abuzimit me fëmijët, duke marrë shkas nga ngjarja e rëndë e dy ditëve më parë në Patos.
Të pyetur nga moderatorja Borakaj se çfarë ndodh me dhunuesin në qeli a rehabilitohet, a mjekohet, avokati Genti Sejrani tha se dhunuesit seksual në vendin tonë nuk rehabilitohen.
Sipas tij ajo që duhet bërë është të ndiqen shembujt në Europë, siç është kastrimi kimik.
Pjesë nga biseda:
Borakaj: Çfarë ndodh me atë person në qeli?
Kaziaj: Ndodhin gjëra që nuk mund t’i themi.
Hoxha: Mendoj se edhe në këtë pikë hamendësojmë.
Borakaj: Jo e kam për trajtim unë, a trajtohet ai personi,
Sejrani: Nuk ka asnjë studim që thotë që burgu i rehabiliton. Zgjidhja për pedofilinë është kastrimi kimik. Danimarka e ka por në vullnetin e pedofilit. Çekia e ka me detyrim./vizionplus
