Europa po vijon përballjen me një nga valët më të mëdha të të nxehtit në shumë vite.
Temperaturat ekstreme kanë prekur kryesisht pjesën jugore të kontinentit ku ato kanë arritur deri në 47 gradë celcius në ditët e fundit.
Spanja, Franca dhe Britania e madhe kanë shënuar rekord me muajin qershor më të nxehtë që nga matja e të dhënave meteorologjike më shumë se 100 vite më parë.
Temperaturat maksimale kanë rritur ndjeshëm rrezikun për problem shëndetësore dhe mjedisore përgjatë gjithë kontinentit.
Disa humbje jete janë shënuar deri tani për shkak të temperaturave dhe zjarreve. Dy viktima raportohen nga Italia dhe dy të tjerë vdiqën në Spanjë teksa zjarri përfshiu një sipërfaqe të madhe toke.
Italia po përballet edhe me ndërprejre të energjisë elektike për shkak të valës së të nxehtit.
Parisi i cili ka aktivizuar alarmin maksimal të rrezikut që prej të martës do të vijojë me mbylljen e shkollave edhe këtë të mërkurë.
Në Turqi po ashtu dhjetëra njerëz janë evakuuar për shkak të zjarreve.
Organizata Botërore Meteorologjike, agjencia e Kombeve të Bashkuara për motin dhe klimën, tha se do të duhet të mësojmë të jetojmë me normalitetin e ri të valëve ekstreme të të nxehtit, të cilat do të ndodhin më shpesh dhe do të jenë më intensive me kalimin e kohës.
