Presidentja e Kosovës, Vjosa Osmani priti këtë të mërkurë në takime të ndara krerët e partive politike me qëllim zgjidhjen e ngërçit institucional që është krijuar në vend.
I pari që mbërriti në presidencë ishte kryeministri Albin Kurti, i cili pas bisedimeve tha se ai dhe partia e tij do të bëjnë përpjekje maksimale për t’i dhënë zgjidhje situatës.
“Do të bëjmë çmos për ta zgjidhur”, tha Kurti.
Gatë kohës që Kurti ndodhej në zyrën e Osmanit, në Presidencë u pa të mbërrinte edhe përfaqësuesja e ambasadës amerikane në Prishtinë, Anu Parttipati.
Pas Kurtit, Osmani priteti edhe kryetarin e Partisë Demokratike të Kosovës Memli Krasniqin.
Takimet me presidenten vijnë një ditë pasi deputetët dështuan për herë të 40-të të zyrtarizojnë Kuvendin rreth katër muaj pas zgjedhjeve të 9 shkurtit.
Javën e shkuar kryetarët e subjekteve politike u mblodhën në një tryezë të rrumbullakët me kryeministrin Kurti por nuk ranë dakord për një kompromis për zgjedhjen e kryetarit të kuvendit.
Gjykata Kushtetuese iu ka lënë afat deputëtve deri në 26 korrik.
