Policia e Tiranës ka vënë në pranga 28-vjeçarin Lendi Palaj, i njohur ndryshe si Njulend Palaj, i përfshirë në konfliktin e dhunshëm mes disa personave në “Ali Demi”, ngjarje e ndodhur më 10 Qershor.
Konflikti në fjalë ka ndodhur rreth orës 23:00 të mbrëmjes teksa disa persona u përfshinë në një konflikt të dhunshëm duke përdorur sende të forta si dhe armë zjarri. Konflikti dyshohet të ketë nisur për motive të dobëta ndërsa nuk ka pasur të lënduar seriozë nga ngjarja.
Lendi Palaj njihet ndryshe si menaxheri fantazmë lokaleve të basteve “333” dhe “CR7”. Gjithashtu ai është përfshirë dhe në konfliktin e dhunshëm të ndodhur në muajin Prill po në zonën e “Ali Demit”, kësaj radhe pranë zyrës së Partisë Socialdemokrate.
28-vjeçari u përfshi në konflikt me Lorenc Telhallarin dhe më pas babain e këtij të fundit, Arjan Telhallari brenda në lokalin “333” ku dyshohet se shkak është bërë një borxh bastesh.
