Kryetarja e Parlamentit të Shqipërisë, Elisa Spiropali, përkujtoi me fjalë të fuqishme figurën e shkrimtarit të madh Ismail Kadare, duke theksuar se ai nuk ka nevojë për lavdërime, sepse vetë është lavdia.
Spiropali e cilësoi Kadarenë si një simbol të dinjitetit dhe mendimit vetjak, një vëzhgues të hollë të jetës, që ndërtoi një univers të thellë letrar dhe një botë mitike ku shqiptaria gjen hapësirë të veçantë.
“Kadare nuk ka nevojë për lavdërime, ai mbetet vetë lavdia. Ai ishte magjik në fjalë, ai mbetet simbol i dinjitetit, i mendimit vetjak. Kadare ishte vëzhgues i hollë i jetës. Në gjëra të përditshme, Ismail Kadare ndërtoi universin e tij të thellë.”.
