Rreth 1,000 qen të moshuar në Shtetet e Bashkuara po marrin pjesë në një test historik për një ilaç të ri që synon të ngadalësojë plakjen dhe t’u zgjasë jetën kafshëve shtëpiake.
Medikamenti është zhvilluar nga kompania bioteknologjike Loyal dhe synon të shtojë jo vetëm kohën, por edhe cilësinë e jetës. veçanërisht për racat e mëdha, të cilat zakonisht jetojnë më pak se të tjerat.
Ky është studimi i parë për jetëgjatësinë e kafshëve i miratuar nga FDA (Agjencia Amerikane e Ushqimit dhe Barnave), dhe nëse rezultatet janë pozitive, ilaçi mund të dalë në treg në vitin 2026.
Kjo përbën një hap të madh përpara në shkencën veterinare dhe ringjall shpresën për miliona pronarë qensh në mbarë botën që do të donin më shumë vite pranë mikut të tyre besnik.
