Presidenti i Shteteve të Bashkuara, Donald Trump, ka njoftuar përfundimin e luftës mes Izraelit dhe Iranit, pas arritjes së një marrëveshjeje të plotë armëpushimi midis të dyja palëve.
Përmes një postimi në platformën e tij Truth Social, rreth orës 18:00 sipas kohës lokale në Uashington DC (22:00 GMT) të hënën, Trump bëri të ditur se armëpushimi do të hynte në fuqi “brenda rreth 6 orësh”.
Gjatë kësaj periudhe gjashtëorëshe, që përfundoi në orën 04:00 GMT të së martës (07:00 në Izrael dhe 07:30 në Teheran), u synua që palët të qetësoheshin dhe të përfundonin operacionet e tyre përfundimtare.
Sipas Trump, Irani do të ndalonte i pari veprimet ushtarake në orën 04:00 GMT, ndërsa Izraeli do t’i bashkohej armëpushimit 12 orë më vonë, në orën 19:00 me kohën lokale (16:00 GMT). Izraeli pritet të respektojë armëpushimin për të paktën 12 orë, pas së cilës marrëveshja do të konsiderohet plotësisht e zbatuar.
Trump e quajti këtë zhvillim fundin zyrtar të asaj që ai e përshkroi si “Lufta Dymbëdhjetë Ditore” mes dy vendeve.
