Një laborator i sofistikuar kokaine që prodhonte deri në 30 kilogramë drogë në ditë është zbuluar dhe goditur nga policia spanjolle gjatë një operacioni të gjerë antidrogë. Si rezultat, janë arrestuar 25 persona, përfshirë edhe dy shtetas shqiptarë.
Të arrestuarit e tjerë janë: 12 shtetas kolumbianë, 9 spanjollë, një meksikan dhe një italian. Sipas autoriteteve, ky grup kriminal kishte ngritur një rrjet të mirëorganizuar, duke përfshirë laboratorë prodhimi, mjete luksoze dhe pajisje të teknologjisë së lartë për shmangien e hetimeve.
Gjatë operacionit, u ushtruan kontrolle në tetë lokacione të ndryshme në provincën e Valencias, ku u sekuestruan:38.2 kg bazë kokaine7.4 kg kokainë e përpunuar87 gramë hashash94 gramë marijuanë32,735 euro para cash
Mallra të falsifikuara me vlerë 38,850 euro
Gjithashtu, autoritetet sekuestruan armë dhe municione: katër pistoleta, një revolver, një armë gjahu, dy hanxharë, 30 karikatorë dhe deri në 1,000 fishekë, si edhe një silenciator. U sekuestruan pesë automjete luksoze, jelekë policie, një pajisje gjurmimi, 28 telefona celularë, karta SIM dhe dokumentacion kontabël.
Hetimet nisën që në korrik të vitit 2024, kur dyshimet ranë mbi një kompani spanjolle që përdorte portin e Valencias për kontrabandë droge. Kjo kompani kishte lidhje me një eksportues të njohur për veprimtari të mëparshme kriminale.
