Kryeministri izraelit, Benjamin Netanyahu, ka vlerësuar Presidentin Donald Trump pasi forcat amerikane goditën tre lokacione bërthamore iraniane në një sulm që ai e konsideroi shumë të suksesshëm.
Kryeministri izraelit tha se vendimi i Donald Trump është i guximshëm dhe se do të ndryshojë historinë.
Benjamin Netanyahu shtoi se sulmet janë një moment historik që mund ta çojnë Lindjen e Mesme drejt paqes.
“Urime president Trump. Vendimi juaj i guximshëm për të goditur objektet bërthamore të Iranit me fuqinë e jashtëzakonshme dhe të drejtë të SHBA-së do ta ndryshojë historinë”, deklaroi ai.
Izraeli ka thënë se dëshiron që të mos e lejojë Iranin që të ketë armë bërthamore.
