Ministri i Jashtëm, Igli Hasani përmes një postimi në rrjetet sociale ka dhënë detaje në lidhje me procesin e evakuimit të pesë shqiptarëve nga Izraeli pas tensioneve dhe sulmeve prej 6 ditësh me Iranin. Hasani thekson se përmes ambasadave të saj ka ndjekur me vëmendje në çdo etapë evakuimin e 5 shqiptarëve nga Izraeli.
Ai theksoi se ata kanë mbërritur shëndosh e mirë në orët e para të mëngjesit në Athinë. Hasani më tej bën me dije se 3 prej tyre kanë vazhduar rrugën dhe gjenden tashmë në Tiranë ndërsa njëri kthehet sonte në mbrëmje në Shqipëri. Personi i pestë është rezident në Greqi dhe do të qëndrojë në vendin fqinj.
