Një fluturim i kompanisë ajrore Air India nga Ahmedabad drejt Londrës është anuluar.
Sipas një zëdhënësi të linjës ajrore, arsyeja e anulimit ishte “për shkak të mosdisponueshmërisë së avionit, që rezulton nga kufizimet e hapësirës ajrore dhe kontrollet shtesë paraprake, duke çuar në një kohë më të gjatë se zakonisht të kthimit të avionit”.
Ndërkohë, mediat vendase raportuan më herët se anulimi kishte ndodhur për shkak të problemeve teknike me avionin që kishte mbërritur më parë nga Delhi.
Megjithatë, këto pretendime u mohuan nga Air India, e cila shtoi se anulimi “nuk ishe për shkak të ndonjë probemi teknik siç u pretendua.”
“Na vjen keq për shqetësimin që u është shkaktuar pasagjerëve tanë dhe kemi bërë rregullime alternative për t’i transportuar ata në destinacionin e tyre”, shtoi linja ajrore.
Kjo vjen pas një ngjarjeje tragjike që ndodhi disa ditë më parë, kur një fluturim tjetër i Air India me destinacion Mbretërinë e Bashkuar u rrëzua në mënyrë katastrofike menjëherë pas ngritjes nga aeroporti i Ahmedabad.
Në këtë aksident humbën jetën 229 pasagjerë dhe 12 anëtarë të ekuipazhit, ndërsa vetëm një person mbijetoi.
