Revista amerikane Vogue ka publikuar fotot nga dasma luksoze e Alex Soros me Huma Abedin, e cila u mbajt në shtëpinë e çiftit në Water Mill në New York. Eventi mblodhi bashkë figura ekrani dhe personalitete politike nga e gjithë bota, mes të cilëve ishte edhe kryeministri Edi Rama.
Në një nga fotot e publikuara nga revista amerikane shihet edhe kreu i qeverisë, teksa ka pozuar me Alex Soros. Kryeministri është ‘larguar’ nga kostumi zyrtar i zi, për t’i lënë vendin një në ngjyrë pana, të kombinuar me një këmishë të bardhë dhe të shoqëruar me një papion ngjyrë vishje.
Krahas fotos, revista shkruan edhe për dollinë që ka ngritur Rama, teksa përmend edhe një batutë të tijën, për të cilin thotë se duhet të ishe aty për ta kuptuar.
