Rrjeti i Lajmeve të Republikës Islamike të Iranit, pjesë e transmetuesit televiziv shtetëror të Iranit, është sulmuar nga Izraeli, sipas raportimeve të Reuters.
Kjo vjen pas kërcënimeve të bëra më herët sot nga ministri izraelit i mbrojtjes, i cili tha se transmetuesi shtetëror ishte “gati të zhdukej” .
Selia e televizionit shtetëror iranian ndodhej në një lagje të mbushur me shtëpi banimi, ndërtesa institucionale, ambasada dhe zyra korrespondence të mediave si AFP franceze.
Sulmi shkaktoi disa viktima, mes tyre gazetarë dhe punonjës.
Në pamjet e mësipërme shfaqen momentet kur mbeturinat bien në studio, ndërsa prezantuesja largohet nga kamera.
