Aeroplanmbajtësja amerikane USS Nimitz po shkon drejt Lindjes së Mesme ndërsa konflikti midis Izraelit dhe Iranit po shndërrohet në një luftë të plotë.
Donald Trump paralajmëroi më parë se Irani do të përjetojë ‘forcën e plotë’ të ushtrisë amerikane nëse sulmon SHBA-në mes konfliktit me Izraelin, pavarësisht raporteve se ai kishte vënë veton ndaj planeve të Izraelit për të vrarë Udhëheqësin Suprem të Iranit.
Presidenti i SHBA-së e paralajmëroi Teheranin se nëse “sulmohemi në çfarëdo mënyre, apo forme nga Irani, forca dhe fuqia e plotë e Forcave të Armatosura të SHBA-së do të bjerë mbi ju në nivele të papara më parë”.
Por Irani nuk ka treguar shenja tërheqjeje, duke sinjalizuar qëllimin e tij për të përfshirë aleatët në luftën kundër armikut të tij të betuar duke formuar një ‘Ushtri Islamike’ dhe duke kërcënuar ta lërë shtetin hebre ‘të pabanueshëm’.
Raketa iraniane ranë mbi Izrael në orët e para të së hënës, duke dëmtuar Ambasadën e SHBA-së, ndërsa Teherani u bëri thirrje aleatëve të saj të formojnë një Ushtri Islamike për të zhvilluar luftë kundër Tel Avivit.
Iranianët janë filmuar duke bërtitur slogane anti-regjim nga dritaret dhe çatitë në Teheran dhe Karaj, sipas mediave të pavarura, me thirrje që thuhet se përfshijnë “Vdekje diktatorit” dhe “Vdekje Khameneit”.
