Policia e Durrësit përmes një njoftimi zyrtar ka bërë me dije se mbrëmjen e kësaj të diele, rreth orës 20:00, një turist 21-vjeçar ka mbetur i plagosur teksa ishte duke bërë manovra në det me Jet Ski.
Sipas njoftimit të bluve mësohet se i riu belg me ininciale H.K, dyshohet se gjatë manovrave ka humbur kontrollin mbi mjetin lundrues dhe ka rënë në ujë.
Si pasojë ai ka pësuar dëmtime të rënda dhe nga spitali i Durrësit është nisur me urgjencë drejt spitalit të Traumës, ku fatkeqësisht ndodhet në gjendje të rëndë për jetën.
Lidhur me këtë ngjarje policia ka shoqëruar në Komisariat për veprime të mëtejshme procedurale pronarin e mjetit lundrues, shtetasin S. Xh.
Ndërkohë, një grup i posaçëm hetimor, nën drejtimin e Prokurorisë, po vijon punën për zbardhjen e plotë të rrethanave dhe dokumentimin ligjor të ngjarjes.
Njoftimi i plotë:
Durrës / Informacion paraprak
Rreth orës 20:00, shërbimi i Urgjencës së Spitalit të Durrësit ka njoftuar se ka shkuar për ndihmë mjekësore shtetasi belg H. K., 21 vjeç.
Menjëherë pas njoftimit, shërbimet e Policisë kanë shkuar në spital dhe nga veprimet e para hetimore ka rezultuar se në zonën e Shkëmbit të Kavajës, pranë bregdetit, ky shtetas dyshohet se gjatë manovrave ka humbur kontrollin mbi një mjet lundrues (Jet Ski) dhe ka rënë në ujë.
Si pasojë, ai ka pësuar dëmtime të rënda dhe nga Spitali Rajonal i Durrësit është transportuar menjëherë drejt Spitalit të Traumës në Tiranë, ku ndodhet në gjendje të rëndë shëndetësore.
Policia ka shoqëruar në Komisariat për veprime të mëtejshme procedurale pronarin e mjetit lundrues, shtetasin S. Xh.
Ndërkohë, një grup i posaçëm hetimor, nën drejtimin e Prokurorisë, po vijon punën për zbardhjen e plotë të rrethanave dhe dokumentimin ligjor të ngjarjes.
