Miliarderi amerikan Elon Musk duket se është penduar për konfliktin që pati me Presidentin Donald Trump, pas largimit nga administrata e tij.
Në një postim në rrjetin social X, Musk shkruan se disa deklarata të tij ishin të tepërta.
“Pendohem për disa nga postimet e mia në lidhje me Presidentin Donald Trump javën e kaluar. Ishin të tepërta”, tha Musk në një postim në X.
Miliarderi për deklarata të rënda në adresë të Presidentin amerikan, mes të cilave kur tha edhe se Donald Trump del në dosjet e Jeffrey Epstein të akuzuar për abuzime seksuale me fëmijë.
Ndërsa Musk njihet për stilin e tij të drejtpërdrejtë dhe shpesh provokues në rrjetet sociale, kjo është një nga pak rastet kur ai pranon publikisht se disa nga deklaratat e tij mund të kenë qenë të tepërta.
Komentet e Musk mbi Donald Trump kanë qenë një pjesë e rëndësishme e diskutimeve mediatike dhe kanë ndikuar në perceptimin publik ndaj të dyve. Postimi i tij i fundit, ku shpreh pendimin, mund të shihet si një tentativë për të ulur tensionet.Ndërkohë, nuk dihet nëse Musk do të bëjë ndonjë sqarim apo koment shtesë për këtë çështje.
