Një ngjarje tronditëse ka ndodhur në Aeroportin e Sidneit më 3 maj, kur një punonjëse e kompanisë ajrore Qantas ra nga një lartësi prej gjashtë metrash mes një boshllëku në një shkallë-ajrore të dëmtuar, duke mbetur në gjendje kritike për jetën.
Olivia Hristovska, 51 vjeçe, mbikëqyrëse e përvojës së klientëve në Qantas, pësoi dëmtime të rënda kur ra mbi pistë, ndërsa po shikonte përmes dritareve të murit të shkallës-ajrore dhe aksidentalisht shkeli mbi hapësirën bosh në dysheme.
Hristovska pësoi trauma të rënda në kokë, frakturë të shtyllës kurrizore, thyerje të klavikulës, kolaps të mushkërive dhe u vendos në koma të induktuar nga mjekët.
Vajzat e saj, Monique dhe Sienna, zbuluan se për aksidentin mësuan përmes mjekëve dhe mediave, dhe akuzuan kompaninë Qantas për mungesë transparence dhe komunikimi.
“Askush nuk na informoi për atë që kishte ndodhur,” u shpreh Monique për mediat australiane.
Monique, 27 vjeçe, tregoi gjithashtu se nëna e tyre është larguar nga spitali një muaj pas ngjarjes, por pasojat shëndetësore janë të rënda dhe të përhershme. “Kockat shërohen, por truri… nuk e di. Ka humbur identitetin e saj,” u shpreh ajo për Nine News.
Të dyja vajzat janë detyruar të lënë punën dhe jetën e tyre për t’u kujdesur me kohë të plotë për nënën e tyre, duke përballuar pasojat emocionale dhe fizike të kësaj tragjedie.
