Kryeministri i vendit, Edi Rama tha se ka nisur punën për Samitin e NATO-s.Ai theksoi se në dukje duket se ka kohë, por kjo është mënyra se si procedohet për organizimin e këtyre eventeve gjeo-strategjike.
“Kemi filluar punën për samitin e NATO-s, në dukje ka kohë por në fakt kjo është mënyra se si punohet për samitet e NATO, fillon puna dy vjet përpara.
Pasi ka ardhur grupi i inspektimit nga qendra e NATO-s në Bruksel për të parë të gjitha opsionet dhe për të inventarizuar të gjitha kushtet dhe mundësitë e infrastrukturës së mikpritjes dhe logjistikës.Topi është në fushen tonë për të shkuar përsëri në qendër me një masterplan të përgjithshëm të organizimit. .”, tha ai.
