Sot do të luhet ndeshja Shqipëri-Serbi, që vlen për kualifikueset e Botërorit 2026. FSHF ka publikuar së fundmi një postim me disa rregulla, që tifozët duhet të dinë.
Gjithçka nis me hyrjen në stadium ku përmendet fakti se kushdo duhet të jetë i pajisur me mjet identifikimi. Më pas rikujtohet se nuk lejohet kalimi i pengesave, ndërsa të gjithë do i nënshtrohen kontrollit nga stjuardët.
Vepra penale quhen mbajtja e armëve të zjarrit dhe të ftohta, mbajtja e parrullave që nxisin urrejtje, përdorimi i biletave false dhe futja në fushë. Po ashtu FSHF tregon se gjithë kohës tifozët janë të vëzhguar.
