Një ngjarje e rëndë ka ndodhur në kryeqytet, në rrugën “Mihal Grameno”, ku një punonjës i Gardës së Republikës është gjetur i vdekur brenda automjetit të tij, i cili ndodhej i parkuar pranë garazhdit të banesës.
Sipas njoftimit zyrtar nga Policia, dyshohet se 47-vjeçari Gentjan Lelçaj i ka dhënë fund jetës duke përdorur armën e shërbimit. Trupi i tij është gjetur gjatë natës, rreth orës 02:00.
Grupi hetimor po vijon punën për të zbardhur plotësisht rrethanat e kësaj ngjarjeje.
Njoftimi i Policisë:
“Më datë 05.06.2025, rreth orës 02:00, në rrugën “Mihal Grameno”, është konstatuar pa shenja jete, në automjetin e tij të parkuar brenda garazhdit të banesës së tij, dyshohet i vetëvrarë me armën e shërbimit, shtetasi G. L., 47 vjeç, punonjës i Gardës së Republikës.
Grupi hetimor vijon punën për sqarimin e plotë të rrethanave të rastit.”
