Një ngjarje e rëndë ndodhi sot në Pogradec, ku një 15-vjeçar u plagos nga babai i tij pas një mosmarrëveshjeje për përdorimin e telefonit.
Sipas informacionit të dhënë nga xhaxhai i të plagosurit, konflikti nisi kur djali po shihte TikTok dhe babai, i irrituar, i mori telefonin dhe e plagosi.
“Djalin e kam nip, është nxënës i mirë. Më iku truri kur e mora vesh. Nuk e di saktë ku e plagosi, në veshka apo kurriz,” tha ai.
Fqinjët e familjes shprehen të tronditur dhe theksojnë se marrëdhëniet mes babait dhe djalit kishin qenë të mira. “Familje shumë e mirë, nuk di të kishin konflikte më parë,” tha një fqinj.
E ëma e djalit konfirmoi se ai ishte dërguar në spital për ndihmë mjekësore, ndërsa policia ka nisur hetimet për të zbardhur rrethanat e ngjarjes.
