Pamje mahnitëse janë publikuar nga shembja e një ure të vjetër në provincën Jiangxi të Kinës, duke bërë xhiron e rrjeteve sociale në mbarë botën.
Ura, e gjatë 1.15 kilometra, u rrëzua me një shpërthim të kontrolluar dhe preciz. Struktura u nda në segmente për të shmangur çdo dëmtim të zonës përreth.
Ajo që e bën këtë ngjarje edhe më të jashtëzakonshme është se shpërthimi nuk preku aspak urën e re, e cila ndodhej vetëm 3 metra larg.
Operacioni u krye me kujdes të lartë teknik dhe profesionalizëm të rrallë. Videoja e ngjarjes është bërë virale, duke tërhequr vëmendjen e miliona shikuesve në rrjet.
