Një moment prekës që kujton sakrificën dhe mikpritjen e mijëra familjeve shqiptare, të cilat gjatë luftës hapën dyert për vëllezërit dhe motrat nga Kosova.
Një grua nga Tirana është ritakuar pas shumë vitesh me vajzën nga Peja, të cilën e kishte mbajtur në krahë në vitin 1999, kur ajo ishte ende një fëmijë i vogël.
Sot, pas 26 vitesh, zonja Lirie ka udhëtuar drejt Pejës për ta takuar sërish vajzën dhe për të rikrijuar fotografinë e atëhershme. Ky moment i jashtëzakonshëm është ndarë në rrjetet sociale nga Melisa Zekaj dhe ka marrë shumë komente!
