Një zjarr shkatërrues në lagjen Stonebridge të Brent-it, në veri-perëndim të Londrës, ka marrë jetën e katër anëtarëve të një familjeje me origjinë pakistaneze. Ngjarja ndodhi në orët e para të mëngjesit të së shtunës, ku zjarri përfshiu dy banesa në rrugën Tillett Close.
Sipas autoriteteve, mes viktimave janë një grua 43-vjeçare dhe tre fëmijë – një vajzë 15-vjeçare dhe dy djem të mitur. Një vajzë tjetër, 13 vjeçe, ndodhet në gjendje të rëndë në spital, ndërsa një 71-vjeçare ka marrë ndihmë mjekësore dhe është jashtë rrezikut për jetën.
Policia Metropolitane ka konfirmuar arrestimin e një burri 41-vjeçar, i cili po hetohet nën dyshimet për vrasje. Hetimet janë në vijim për të përcaktuar shkakun e zjarrit dhe për të sqaruar të gjitha rrethanat që çuan në tragjedinë familjare.
