Tenione në Elbasan, policia shoqëron protestuesit, Alizoti: Nga sot na kanë nga mbrapa

Shtatë përfaqësues të opozitës në degën e Partisë Demokratike në Elbasan janë shoqëruar nga policia në komisariat. 

Deputeti Tomorr Alizoti është përplasur me drejtuesit e komisariatit pas shoqërimit të tyre, ku akuzoi drejtuesit e komisariatit si “shërbyes” të krimit.

Sipas Tomorrit, Policia e Elbasanit ka shoqëruar demokratët që sipas tij protestojnë për bukën e gojës, ndërsa ka frikë të përmendë emrat e banditëve dhe bandave që mbrohen nga Policia dhe ministri i Brendshëm.

“Pa më thënë emrat e banditëve të Elbasanit, do merremi bashkë. S‘të lejoj të më shoqërosh demokratët femra aty. Kanë marrë njerëz të thjeshtë. Roven Zeka ka shoqëruar demokratët që protestojnë për bukën e gojës. Kanë frikë dhe demokratët s’do t’i ndahen bandës së mafies që kanë marrë peng sot demokratët.

Kanë shoqëruar dhe goditur edhe deputetin. Të gjithë janë në shërbim të karteleve të drogës së Elbasanit. Policia në shërbim të horrave, kur u thua që më thuaj emrat e bandave, asnjë nuk thotë. Të jeni të sigurt se nga sot na kanë nga mbrapa. Policia dhe ministri i brendshëm të përmendin emrat e mafiozëve, kanë shoqëruar demokratët e thjeshtë që protestojnë për të drejtat e tyre”, tha ai.