Gjykata e Lartë ka vulosur dënimin me 32 vite burg për Marjana Çmetën e cila në vitin 2017 helmoi vjehrrën e saj pas zënkash që kishin me njëra tjetren.
Ajo kishte paraqitur rekurs dukë ankimuar vëndimin e dhënë nga apeli me 28 nëntor 2020, por treshja e shkallës së tretë të gjyqsorit vëndosi mos pranim ndaj ankimit të saj.
Sipas hetimeve të prokurorisë në atë kohë ka rezultuar se Marjana Çmeta ishte vetëm në banesë me vjehrrën e saj viktimën Lirie Lami.
Ajo i ka ofruar një pije frutash ku kishte hedhur brenda fotoksinë.
Më pas duke parë që viktima nuk po ndërronte jetë, nusja ka kryer dhe veprime fizike duke e mbytur me shall dhe pas reagimeve të viktimës e ka kafshuar në fytyrë dhe pjesë të tjera të trupit.
Më pas ka njoftuar vëllain e burrit të viktimës, banesa e të cilit ka qenë pranë dhe e kanë transportuar për në spital duke e paraqitur si të vetëhelmuar.
Vetë djali i të ndjerës që pas ngjarjes u divorcua me nusen, thoshte se ajo ja kishte kapur nënën për flokësh dhe e gjuante dhe se ka ndërhyrë ai për t’i ndarë.
Fillimisht e reja nuk e pranoi krimin duke deklaruar se kishte qenë në gjumë, mirëpo një vit më vonë gjithçka u zbardh.
Rrëfimi që nusja e shtëpisë Marjana Çmeta kishte bërë për vrasjen tek hoxha Hysen Shehu ishte regjistruar i gjithi në video nga ky i fundit.
