Opozita proteston sot në gjithë vendin, duke bllokuar disa nga akset kryesore rrugore, si pjesë e planit të mosbindjes civile.
Megjithëse efektivë të Policisë së Shtetit u kanë bërë thirrje protestuesve që të lirojnë rrugët, që mjetet të vijojnë normalisht qarkullimin, bllokimi ka vazhduar dhe situata herë pas here është tensionuar..
Por çfarç thotç Kodi Penal i Republiks së Shqipërisë për raste të tilla?
Kodi Penal i vendit tonë, konkretisht Neni 293 “Pengimi i qarkullimit të mjeteve të transportit” parashikon që bllokimi i rrugëve dhe qarkullimit të mjeteve të kategorive të ndryshme dënohet me gjobë deri në tre vite burg. Këtë e kanë deklaruar me megafon dhe zyrtarët e Policisë.
“Vënia e pengesave dhe ndalimi me çdo mjet e mënyrë i qarkullimit të mjeteve të transportit automobilistik, hekurudhor, ujor e ajror, dënohet me gjobë ose me burgim gjer në tre vjet”, thotë ligji.
Megjithatë, mbetet për t’u parë nëse kjo masë do të aplikohet, apo do të respektohet e drejta e opozitës për protestë.
Akset rrugore kombëtare ku po protestohet nga opozita dhe qarkullimi i mjeteve është bllokuar në segmentin Casa Italia – Sheshi “Shqiponja”, rrethrrotullimi Milot, rrethrrotullimi Shkozet, rrethrrotullimi Bradashesh, rrethrrotullimi Rrogozhinë dhe rrethrrotullimi Levan.
