Policia spanjolle ka arrestuar dy shqiptarë ndërsa ka bastisur disa shtëpi private të cilat ishin kthyer në ferma kanabisi. Operacionet e policisë spanjolle vijojnë për goditjen e grupeve kriminale të cilat kultivojnë dhe trafikojnë drogë.
Sipas raportimeve, Ebro dhe Salou konsiderohen më të preferuarat për organizatat kriminale shqiptare për shkak të vendndodhjes dhe klimës. Gjithashtu raportohet se shqiptarët e kanë kthyer Katalonjën në “kopshtin narkotik të Evropës”.
“Krerët e këtyre organizatave, ndonëse nuk janë udhëheqës të lartë, mbajnë pozicione pushteti në mafian e marihuanës, zgjedhin të banojnë dhe të jetojnë në këto zona”, informon media.
