Këngëtari Lim Hoti ka prekur publikun gjatë pjesëmarrjes së tij në spektaklin “Ferma VIP”, ku ka ndarë për herë të parë detaje të thella dhe emocionale nga jeta e tij personale. Një nga momentet më të ndjera ka qenë rrëfimi për të birin 10-vjeçar, për të cilin artisti foli me shumë dashuri dhe ndjenjë përgjegjësie.
“Është shumë i zgjuar. Flet turqisht, gjermanisht dhe anglisht. Ama ka mentalitet amerikan”, – u shpreh Limi, duke treguar se djali i tij është rritur jashtë vendit dhe është formuar në një realitet tjetër kulturor.
Këngëtari ka rrëfyer se për shkak të ndarjes nga nëna e fëmijës, ai ka qëndruar larg të birit për katër vite. “E kam lënë 2 vjeç. Më pas e kam takuar pas 1 viti dhe më pas 4 vite nuk e kam parë fare”, u shpreh ai, duke shtuar se, megjithatë, marrëdhënia e tyre është e fortë dhe e sinqertë.
“Erdhi para 6 muajsh… më tha: Më premto që s’do më lësh më. Mbeta pa fjalë. Thashë me vete: të jetë kaq i zgjuar?”, – rrëfeu Limi, i emocionuar.
Në rrjetet sociale, ai ndau një foto të të birit për ditëlindje, duke shkruar me thjeshtësi dhe ndjenjë:
“Gëzuar ditëlindjen bir. Të dua.”
Pavarësisht sfidave, Lim Hoti ka zgjedhur të mos përfshihet në konflikte për kujdestarinë, duke menduar mbi të gjitha për mirëqenien e të birit:
“Nuk jam përzier fare që dua ta mbaj unë, sepse i kalon stresi fëmijës. Por do rritet dhe do i kuptojë.”
Ky rrëfim prekës ka prekur zemrat e publikut, duke treguar një anë më të ndjeshme të artistit dhe duke përforcuar figurën e tij si një baba i përkushtuar, pavarësisht sfidave të jetës.
