Ermir Dedja u ekzekutua me armë zjarri dy ditë më parë në Durrës, ndërsa janë zbardhur detaje të reja lidhur me këtë atentat. Sipas informacioneve dy persona janë shpallur në kërkim për vrasjen e Dedjas, pasi dyshohet se kanë ndihmuar autorët për kryerjen e atentatit. Më konkretisht të shpallurit në kërkim, sipas grupit hetimor kanë ndihmuar me sigurimin e makinës dhe krijimin e infrastrukturës për realizimin e atentatit.
29-vjeçari u ekzekutua në orët e para të 20 majit në lagjen 18 në Durrës. Pistat kryesore të hetimit janë ajo e prishjes se pazareve të drogës dhe hakmarrjes të cilat mund të lidhen me ngjarjen e 2015 dhe 2017. Dedja ka qenë i përfshirë në një plagosje me armë zjarri në vitin 2017, i cili në atë kohë u vu në pranga si bashkëpunëtor i autorit në plagosje.
10 vjet më parë, në 2015, po ashtu ka qenë arrestuar si i dyshuar për shitjen e një sasie lënde narkotike dy shtetasve nga Hasi, qe do e trafikonin ne Kosovë. Janë marrë kamerat e disa bizneseve për të ndjekur itenerarin e autorëve të larguar, por gjurmet u humbin në Gërdec ku u dogj edhe mjeti që u përdor gjatë ekzekutimit.
