Ndoshta është ndikimi i serialeve të viteve ’90, por ka diçka tepër tërheqëse dhe “cool” në stilin e asaj dekade. Ndaj, sa herë që një trend i atyre viteve rikthehet në modë, “përqafohet” menjëherë nga vajzat e famshme.
Këtë javë, Bella Hadid riktheu një trend të harruar të këpucëve, i cili së fundmi po bëhet gjithnjë e më shumë popullor. Pasi kemi kaluar sezonet e fundit me këpucët klasike me majë, këtë verë, adhuruesit e modës po orientohen drejt diçkaje më lozonjare: takat me detaje lidhësesh.
Ky model elegant me majë të mprehtë përfshin lidhëse delikate që nisin nga maja e këpucës dhe përfundojnë me një fjongo të hollë në pjesën e sipërme, duke mishëruar strukturën romantike të një korseje vintage. Ky detaj i jep pamjes një magji retro dhe një prekje unike, që transformon plotësisht çdo veshje.
Nga kombinimi me xhinse të thjeshta, deri te pantallonat klasike dhe fustanet elegante, këto këpucë janë japin një ndjesi lozonjare, por gjithmonë të kuruar dhe moderne.
