Bitcoin, kriptomonedha më e njohur në botë, ka arritur sot një rekord të ri duke kapur vlerën prej 109,499.76 dollarësh. Ky rritje vjen si pasojë e optimizmit në rritje në SHBA lidhur me krijimin e një kuadri të qartë rregullator për asetet dixhitale.
Ky rekord i ri thyen atë të mëparshmin, të vendosur më 20 janar, në ditën e inaugurimit të Donald Trump. Pas kësaj, çmimi i Bitcoin pati një rënie të përkohshme për shkak të mungesës së politikave të qarta rreth kriptovalutave gjatë muajve të parë të mandatit të dytë të Trump si president.
Më 8 maj, Bitcoin kaloi sërish kufirin prej 100,000 dollarësh, i nxitur nga një marrëveshje tregtare mes SHBA-së dhe Britanisë, e cila ringjalli optimizmin e investitorëve për zbutjen e tensioneve nga lufta tarifore e nisur më herët nga Trump.
