Dilberja dhe Bashkimi një çift i martuar që prej vitit 2011, janë përballur sot në një seancë publike ndërmjetësimi në emisionin ‘Shihemi në Gjyq’.
Bashkimi, baba i 4 fëmijëve nga një martesë e mëparshme, e akuzon gruan e tij të dytë se i prishi martesën e parë. Ai tregon se u lidh me Dilberen në vitin 2011, por Bashkimi s’e kishte përfunduar ende procesin e divorcit me gruan e parë.
Dilberja shpjegon se janë martuar ligjërisht në 2014, kur ka lindur djali i tyre që është sjellë në jetë pas shumë kërkesave nga ana e saj. Sipas zonjës Dilbere, Bashkimi ka pasur kundërshtime në fillim sepse nuk donte të bëhej sërish baba për shkak të ndarjes së pasurisë.
Pjesë nga debati:
Dilbere: Martesën ligjore e kemi lidhur më vonë, kur na ka lindur çuni, në 2014.
Eni Çobani: Më the në 2011, mendova… Edhe për këtë ka vonuar, pse ka vonuar?
Dilbere: Ka qenë pa ligj, pa letra. Kur ka lindur çuni, kanë bërë divorcin se ka qenë në proces divorci dhe duhej bërë divorci që të bëja unë celebrimin.
Eni Çobani: Pra ti e ke marrë të martuar, të padivorcuar?
Ardit Gjebrea: Ishte në proces divorci.
Eni Çobani: Po jo edhe ky është një gabim se nuk mund ta marrësh zonjën se ajo mund të sillte në jetë një fëmijë dhe fëmija do të regjistrohej me Lumturinë e Bashkimin, edhe ky është një problem tjetër.
Dilbere: Edhe për djalin nuk ka qenë dakord se më ka thënë unë kam fëmijë, unë nuk dua fëmijë më dhe ne kemi këmbëngulur shumë…
Eni Çobani: Si e solle ti fëmijën në jetë, me Bashkimin e ke sjellë.
Dilbere: Me Bashkimin, por kam këmbëngulur shumë për të bërë atë fëmijë se nuk dëgjonte, thoshte nuk bëj fëmijë se kam 4 fëmijë, se ka qenë puna te pasuria se unë për të vdekur kisha, fëmijë s’kishim, pasurinë fëmijët e tij do ta merrnin s’do e merrja unë.
