Deputeti i Partisë Demokratike, Flamur Noka ka folur në lidhje me protestën e thirrur nga Partia Demokratike që do të mbahet ditën e nesërme.
Noka ka komentuar edhe paralajmërimin e policisë, ku thuhej se ata që do të bllokojnë rrugën do të procedohen.
Ai tha se kjo nuk është protestë por mosbindje civile dhe se protestuesit kanë të drejtë të paralizojë jetën politike dhe sociale të vendit.
“Opozita është në mosbindje civile, kujt ja recitojnë këto vjersha këta? Ne nuk jemi në protestë, jemi në mosbindje civile, nuk më intereson çfarë reciton regjimi. Jam në mosbindje civile, vepër penale është të vjedhësh, vepër penale është të vjedhësh portin e Durrësit, jam në mosbindje civile, kam detyrë të paralizoj jetën politike dhe sociale të vendit deri në gjunjëzimi e këtij regjimi”, tha Noka për “Now me Erla Mëhillin në “Euronews”.
