Presidenti francez Emmanuel Macron ka shprehur mirënjohjen e tij ndaj kryeministrit Edi Rama për pritjen gjatë samitit të mbajtur në Tiranë.
Në një postim në platformën X, Macron thekson se Shqipëria meriton të jetë pjesë e Bashkimit Europian dhe se Franca qëndron në krah të saj në këtë proces.
“I dashur Edi Rama, të dashur qytetarë shqiptarë, ju falënderoj për mikpritjen tuaj në Tiranë. Marrëdhëniet mes Francës dhe Shqipërisë po forcohen përmes bashkëpunimeve konkrete. Vendi juaj e meriton të jetë pjesë e BE-së, dhe Franca do të vazhdojë ta mbështesë këtë rrugëtim,” shkruan Macron.
