Ministri ukrainas i Mbrojtjes, Rustem Umerov, ka bërë të ditur se Rusia dhe Ukraina kanë rënë dakord për një shkëmbim të ndërsjellë prej 1000 robërish lufte, pas përfundimit të negociatave në Stamboll. Ky do të ishte shkëmbimi më i madh i të burgosurve që nga fillimi i agresionit rus në shkurt të vitit 2022.
Gjatë bisedimeve, palët diskutuan edhe për një armëpushim dhe u dakordësuan të paraqesin vizionet e tyre për një marrëveshje të mundshme, ndërsa negociatat do të vazhdojnë. Po ashtu, Ukraina ka propozuar një takim mes presidentit Volodymyr Zelensky dhe presidentit rus Vladimir Putin.
Bisedimet, të parat të drejtpërdrejta të paqes në më shumë se tre vjet, zgjatën më pak se dy orë. Sipas transmetimeve, kërkesat territoriale të Moskës po pengojnë përparimin, duke i cilësuar ato si të shkëputura nga realiteti dhe shumë më ekstreme se çdo gjë e diskutuar më parë.
Rusia thuhet se ka paraqitur ultimatume që kërkojnë tërheqjen e Ukrainës nga territore të veta në këmbim të një armëpushimi, përfshirë kushte të tjera që konsiderohen si jokonstruktive.
