Ditën e sotme në Tiranë u mbajt Samiti i Komunitetit Politik Evropian. 47 liderë dhe krerë shtetesh “zbarkuan” në kryeqytetin shqiptar.
Mikpritësi i këtij Samiti, Edi Rama priti në sheshin “Skënderbej” të gjithë liderët me radhë.
Por ajo që ra në sy ishte pritja e veçantë që i bëri Melonit, kryeministres italiane.
Rama u ul në gjunjë teksa Giorgia Meloni po ecte drejt tij, ndërsa kjo e fundit me batuta tha se Rama ulej në gjunjë që të ishte i gjatë sa ajo.
Ky moment ka bërë bujë në mediat italiane, të cilat e kanë shpërndarë momentin viral gjerësisht në rrjetet sociale.
