Një lajm i dhimbshëm vjen nga Qendra Spitalore Universitare “Nënë Tereza”, ku mjeku i njohur pediatër Bashkim Nezaj është ndarë nga jeta në mënyrë të parakohshme, teksa ndodhej në krye të detyrës.
Ngjarja ka ndodhur në orët e para të mëngjesit të së enjtes, ndërsa dr. Nezaj ishte në turnin e shërbimit në Spitalin Pediatrik. I përkushtuar deri në fund, ai u shua papritur, si pasojë e një infarkti, duke lënë pas një boshllëk të madh në komunitetin mjekësor dhe tek të gjithë ata që patën fatin ta njohin.
Miq, kolegë dhe qytetarë kanë shprehur dhimbjen e thellë për humbjen e një mjeku që njihej për qetësinë, përkushtimin dhe dashurinë me të cilën i shërbente fëmijëve.
Të shumtë kanë qenë dhe qytetarët të cilëve doktori u ka shërbyer për kurimin e fëmijëve, të cilët kanë shprehur keqardhjen për këtë rast dhe mirnjohjen për mjekun
Redaksia jonë i shpreh ngushëllimet më të sinqerta familjes, kolegëve dhe të gjithë atyre që ndihen të prekur nga kjo humbje. Kujtimi dhe vepra e Dr. Nezajt do të mbeten të paharruara.
