Partia Demokratike pas zgjedhjeve ka lajmëruar se më 16 maj në orën 17:00 do të zhvillojë një protestë te Bulevardi i Ri. Ndërkohë dita e protestës përkon me ditë e zhvillimit të samitit të Komunitetit Politik Evropian (EPC) në Tiranë.
Për këtë shkak, policia e Tiranës nuk i ka dhënë leje PD për zhvillimin e protestës, me arsyetimin se nuk lejohet për shkak të perimetrit të sigurisë të përcaktuar për samitin.
Kryedemokrati Sali Berisha foli dje lidhur me protestën ku tha se do të zhvillohet për një sensibilizim të udhëheqësve europiane se ndodhen në “një shtet që nuk respekton asnjë rregull, asnjë parim të votës së lirë”.
