Komisioni Qendror i Zgjedhjeve ka publikuar të dhënat e përditësuara, ku rezulton se deri në orën 15:00 kanë votuar 567.745 qytetarë, ose e përkthyer në përqindje 33.07%.
Sipas të dhënave, pjesëmarrja më e lartë është regjistruar në qarkun e Dibrës me 40.33%, ndjekur nga Kukësi me 38.31%, dhe Tirana me 36.65%. Ndërsa pjesëmarrja më e ulët raportohet nga Vlora, ku deri më tani kanë marrë pjesë vetëm 21.39% e zgjedhësve.
Theksojmë se krahasuar me zgjedhjet e vitit 2021 kemi një pjesëmarrje më të ulët, pasi katër vite më parë deri në orën 15:00 kishin votuar 38.6%.
